Mirasol Kondea plaza – Martzana

Bilbo Zaharra eta Martzana kaleak eta plazak urbanizatzeko proiektatutako jarduketaren lehenengo fase moduan, Martzana kalean eta Mirasol Kondea kaleko zubi ondoan kokatutako espazio librea urbanizatzeko lanei ekin zitzaien, kale hori oinezkoentzat izan zedin eta han zegoen espazio librea erabat birmoldatu eta begiratoki-plaza bat eraikitzeko Itsasadarrera begira. Gune honetan zuhaitz bereziak eta hiri-altzari egokiak jarri ziren. Bestalde, lan hauekin batera, saneamendua osoki berriztatu zen.